Ս.թ. դեկտեմբերի 15-ին Արամ Խաչատրյան համերգասրահում տեղի կունենա «Մենք ու Մունք» հայկական ջազի և շախմատի երեկոն, որի ողջ հասույթն ուղղվելու է «4090
Բարեգործական» հիմնադրամի շահառու՝ պատերազմի մասնակից ուսանողների կրթավճարի տրամադրմանը։
Համերգը կազմակերպվում է ԱրարատԲանկի գլխավոր հովանավորությամբ, Հայաստանի պետական ջազ նվագախմբի և Ավագ Մարգարյանի մասնակցությամբ։
Համերգի հատուկ հյուրերն են Լևոն Մալխասյանն ու Ինգա Արշակյանը։
Համերգային ծրագիր
1. «Ֆանտազիա Ա. Այվազյանի երգերի մեղեդիներով» (մշ՝ Մ.Մավիսակալյան)
2. «Մեղեդի» (Ա. Բաբաջանյան/ մշ.՝ Ա. Հյուսնունց)
3. «Ծաղկաձոր» (Ստ. Շաքարյան)
4. «Քարավան» (Ալ. Հարությունյան/մշ.՝ Մ. Ուլիխանյան)
5. «Նոկտյուրն»- Լևոն Մալխասյան (Ա.Բաբաջանյան/մշ.՝ Լ. Մալխասյան)
6. «Անուրջներ» - Լևոն Մալխասյան (Ա.Բաբաջանյան/մշ.՝ Լ. Մալխասյան)
7. «Promenade» - (Ռ. Ամիրխանյան/մշ.՝ Ա. Մարտիրոսյան)
8. «Արևոտ անձրև» - Ինգա Արշակյան (Ռ. Ամիրխանյան)
9. «Քառսուն կարաս» - Ինգա Արշակյան (Ինգա-Անուշ Արշակյաններ)
10. «Շողեր ջան» - Ինգա Արշակյան (ժող./ մշ.՝ Ա. Հյուսնունց)
11. «Կեսկատակ» - (Ա. Հյուսնունց)
12․«Վաղարշապատի պար» - (ժող./մշ.՝ Ա. Հյուսնունց)
.jpeg)
Շախմատային սեանսին կարող են մասնակցել միայն նախապես գրանցված մասնակիցները, ովքեր լրացրել են այս հարցաթերթիկը, վճարել են 10 000դրամ Հիմնադրամի հաշվեհամարին՝ նշելով «շախմատ» բառը նպատակ դաշտում (1570073133390100, «Ամերիաբանկ» ՓԲԸ) և ունեն նաև համերգի համար տոմս։
Շախմատային սեանսի մասնակցության տեղերը խիստ սահմանափակ են և կմասնակցեն առաջին 40 գրանցվածները։
4090 Բարեգործական հիմնադրամը ստեղծվել է արցախյան երրորդ պատերազմից հետո, և նպատակն է տրամադրել կրթության հնարավորություն 2016 և 2020 թվականների պատերազմի մասնակից այն քաջորդիներին, որոնք, չնայած տարբեր խոչընդոտների, գնում են իրենց երազանքի հետևից՝ դառնալով հայրենիքի ապագայի կերտողները։ Այս պահին հիմնադրամն ունի բարձրագույն հաստատությունում սովորող շուրջ հարյուր ուսանող-շահառու։ Հիմնադրամը չունի քաղաքական, կրոնական կամ արհեստակցական նպատակներ և չի հարում որևէ քաղաքական հոսանքի և մինչ օրս ֆինանսավորվել է հիմնականում անհատ բարերարների և սոցիալապես պատասխանատու ընկերությունների կողմից։
Ավելին՝ www.4090foundation.am
ԱրարատԲանկը հիմնադրվել է 1991 թվականին՝ նպատակ ունենալով նպաստել երկրի տնտեսական զարգացմանը՝ միաժամանակ կրելով սոցիալական պատասխանատվություն և ստեղծելով արժեք բաժնետերերի, հաճախորդների և աշխատակիցների համար: Բանկի գաղափարախոսության հիմքում կրթությունն է, առողջապահությունը, շրջակա միջավայրը և արվեստը, և մինչ օրս իրականացված բոլոր ԿՍՊ նախագծերը նպատակ ունեն նպաստելու հասարակության առաջընթացին և երկրի բարօրությանը: ԱրարատԲանկի այսօրվա ռազմավարական ծրագրերը միտված են խոստումնալից ապագայի կերտմանը։
Ավելին՝ www.araratbank.am
Համերգային ծրագիր` ժամը 20։00, Շախմատային սեանս` ժամը 18:00
Տոմսեր կարող եք ձեռք բերել հետևյալ հղումներով.
Միջոցառման գործընկերներ՝ «Մուսա» գինի, «Կաիսա» շախմատային դպրոց, «Չեսիֆայ» ընկերություն